နတ်သတ်၍သေသောသူ

*နတ်သတ်၍သေသော*📖📖📖(စ/ဆုံး)

***********************************
———————————–
“အဟင့် ဟင့် ”
“ဟင်…ဘယ်သူလဲ ”
ရွှေခင် တစ်ယောက်အိပ်ပျော်နေတုန်း
ခြေရင်းမှငိုရှိုက်သံကြားသဖြင့် နိုးလာကာ
မေးလိုက်ခြင်းဖြစ်သည်။
ရွှေခင်အားကျောပေးကာငိုကျွေးနေသည့်
အမျိုးသမီးတစ်ယောက်အားရွှေခင်မြင်နေရသည်။
မျက်နှာကိုကနောက်ကျောပေးထားသဖြင့်
မမြင်ရပေ။
“ဘယ်သူလဲ ဘာလို့ငိုနေရတာလဲ
ကျွန်မကိုသိလို့လား ”
ရွှေခင် မေးမြန်းလိုက်ပြန်သည်။
ထိုအခါမှ ရွှေခင်အားကျောပေးထားသည့်
မိန်းကလေးက ရွှေခင်ဘက်သို့ လှည့်လာပြီး
“ကျွန်မ နာမည် နန်းခင်ပါ ကျွန်မက
လွန်ခဲ့တဲ့ ၁နှစ်ကျော်က ဒီနေရာမှာ
သေခဲ့ရတာပါ”
“ရှင်…ဒါ ဒါဆို နင်က လူမဟုတ်ဘူးပေါ့”
“မှန်ပါတယ် ကျွန်မလူမဟုတ်ပါဘူး
ကျွန်မဒီနေရာမှာ မကျွတ်မလွတ်ဖြစ်နေရတာပါ”
“နင်က ဘယ်လိုဖြစ်ပြီးသေခဲ့ရတာလဲ နန်းခင်”
“ကျွန်မ ပြောပြပါ့မယ်ရှင်”
===============
“ဟေ့ နန်းခင် နန်းခင်”
“ဟဲ့ ငါဒီမှာ ညိုမြင့် ရဲ့ ဘာကိစ္စလဲ”
“ငါနင့်ကို ပြောစရာရှိလို့ ”
“ဘာများလဲ ထူးထူးဆန်းဆန်း ပြောပါဦး”
“ဒီလိုနန်းခင်ရဲ့ နောက်၂ရက်နေရင်
ငါရယ် ဟိုကောင်မ မိလုံးရယ် နတ်ပွဲ
သွားကြမလို့ နင့်ကိုလာခေါ်တာ
နင်လိုက်မယ်မလား နန်းခင်”
“လိုက်တော့လိုက်ချင်ပါတယ်အေ
ဒါပေမယ့် အိမ်ကထည့်ပါ့မလားအေ့”
“အမယ် ဒီလောက်ကတော့ နင့်မိဘတွေကို
ငါတို့ဝိုင်းပြောပေးပါ့မယ်ဟဲ့
သူတို့ထည့်ကြမှာပါ နင်လိုက်မှာလားသာပြော”
“အေး အမေတို့ကထည့်ရင် လိုက်မယ်ဟာ”
“အေး ဒါဆို ညနေကြရင် နင့်အိမ်ကို
ငါတစ်ခေါက်လာပြီး နင့်မိဘတွေကို
ငါနဲ့မိလုံးဝိုင်းပြောပေးမယ် ဟုတ်ပြီလား”
“ကျေးဇူးပါ ညိုမြင့်ရယ် ငါလည်းနတ်ပွဲတွေ
တစ်ခါမှမလိုက်ဖူးဘူးအေ့”
“နင်လိုက်သာလိုက်ခဲ့ ပျော်ဖို့အရမ်းကောင်းတာဟ”
“အေးအေး ငါလိုက်ခဲ့မယ် သူငယ်ချင်း”
ညိုမြင့် ကနတ်ပွဲလိုက်ရန်အဖော်လာစပ်သဖြင့်
လိုက်ပါရန်သဘောတူခဲ့လိုက်တော့သည်။
………………………
“အန်တီမြ အန်တီမြ ”
“ဟယ် ညိုမြင့်နဲ့ မိလုံးပါလား လာလာအိမ်ထဲ
လာကြ”
“အန်တီရေ နန်းခင်ရော ဘယ်သွားလဲ”
“နန်းခင် အပြင်ခဏသွားတယ်အေ့
ဘာလို့တုန်း မိလုံး”
“ဒီလို အန်တီမြရေ နောက်ရက်ကြရင်
ကျွန်မနဲ့ ညိုမြင့် တို့ နတ်ပွဲသွားကြမလို့
နန်းခင်ကိုပါ ခေါ်သွားချင်လို့
နန်းခင်ကလိုက်ချင်နေပေမယ့်
အန်တီမြနဲ့ ဦးတင်ခိုင်က မထည့်မှာစိုးလို့
လာပြောတာ”
“ဟ မိလုံးရ ငါတို့က တို့သမီးကို
နင်တို့နဲ့သွားရင် စိတ်မချစရာဘာရှိလို့လဲ
ထည့်တာပေါ့ဟ”
“ကျေးဇူးပါ ဦးရေ ကျွန်မသူငယ်ချင်း
နန်းခင်က ကျွန်မတို့နဲ့ တစ်ခါမှနတ်ပွဲ
မလိုက်ဖူးတော့ ခေါ်သွားချင်နေတာ
ကြာပြီတော့ အခုမှပဲ နန်းခင်နဲ့ အတူတူ
သွားရတော့မယ်”
“အေးအေး သွားတာလည်းသွားကြပေါ့
ဒါပေမယ့် စည်းနဲ့ကမ်းနဲ့ ပျော်ကြကွယ့်
နတ်ပွဲဆိုတော့ နတ်အကြိုက် နတ်မကြိုက်တာတွေရှိကြတယ်မလား
နတ်မကြိုက်တာမလုပ်မိစေနဲ့ကွယ့်
ဦး ဒါပဲမှာချင်တယ်”
“စိတ်ချပါ ဦးရေ ကျွန်မတို့ အနေအထိုင်
အပြောအဆိုမမှားအောင် ထိန်းပါ့မယ်”
“ဟယ် မိလုံးနဲ့ ညိုမြင့် ဘယ်တုန်းက
ရောက်နေကြတာလဲ”
“သိပ်မကြာသေးဘူး နန်းခင်ရဲ့
အခုလေးတင်ပဲရောက်တာ
ဦးလေးနဲ့အန်တီမြက နင့်ကို
ငါတို့နဲ့လိုက်ဖို့ သဘောတူတယ်တဲ့”
“တကယ်လား အဖေနဲ့အမေ”
“တကယ်ပေါ့ သမီးကလည်း
အမေတို့ကနောက်ပ့ါမလား”
“ဟေဟေး ငါ့သူငယ်ချင်းတွေနဲ့
နတ်ပွဲသွားရတော့မယ် ဟ”
“ကောင်မ သွားတောင်မသွားရသေးဘူး
ပျော်နေတာကြည့်ပါဦး မျောက်လေး
ငှက်ပျောသီးရသလိုပဲ ”
“ဟုတ်ပါ့အေ ဖြစ်နေလိုက်ပုံများ အံ့သြပါ့”
သူငယ်ချင်းဖြစ်သူ မိလုံးနှင့်ညိုမြင့်တို့က
နန်းခင်အားစနောက်ပြောဆိုလိုက်ခြင်းပင်။
……………………
နောက်တစ်နေ့တွင် သူငယ်ချင်းသုံးယောက်
နတ်ပွဲသို့လာခဲ့ကြတော့သည်။
“ဟယ် လူတွေကလည်းအများကြီး
လာကြသားပဲ ဟဲ့”
“အေး ဒါတောင်ပွဲတော်ရက်မကျသေးဘူး
ပွဲရက်ဆိုရင် ဒီထက်တောင် စည်သေးတယ်
လာဘုရားအရင်ဝင်ကြစို့ နန်းခင်”
“လာ မိလုံး ဘုရားသွားကြမယ်”
သူငယ်ချင်း၃ယောက် ဘုရားသို့
အရင်ဝင်ကာ ဘုရားအားဖူးမြှော်
ကန်တော့လိုက်ကြသည်။
ပြီးနောက် ဘုရားအတွင်း၌ထားရှိသော
အလှူခံပုံး၌ ငွေများထည့်ကာ လှူဒါန်းလိုက်ပြီး
နတ်နန်းရှိရာသို့ ထွက်လာခဲ့ကြတော့သည်။
“နတ်ဆက် ဖို့ပန်းဝယ်ရမယ် လာ”
ညိုမြင့်က ပန်းသည်ဆီသို့ခေါ်ဆောင်သွားပြီး
သူငယ်ချင်း၃ယောက် ပန်းသည်ဆီမှ
ပန်းများဝယ်ကာ နတ်နန်းအပေါ်သို့
တက်ခဲ့ကြတော့သည်။
===========
နတ်ဆက်ပြီးသည်နှင့် နတ်နန်းအောက်ဆင်းလာလိုက်သည်နှင့်
“ဟဲ့ မိလုံး ညိုမြင့် ငါအပေါ့သွားချင်လို့ဟဲ့
ဘယ်မှာသွားရမလဲ”
“ရွာထဲရောက်မှ သွားပါဟယ် ဒီအနားမှာ
ရေအိမ်မှမရှိတာ ဒီရွာထဲကအသိအိမ်ရောက်မှ
ရှင်းလိုက်ပါ ဒီမှာသွားလို့မရဘူးလေ”
“ဟာ အဲ့ဒါမှ ဒုက္ခပဲ ငါမရတော့ဘူးဟ
အရမ်းသွားချင်နေပြီ ခဏလေးပါ”
“အို…မဖြစ်ပါဘူး နင်နတ်ကိုင်ခံရလိမ့်မယ်
မဖြစ်ပါဘူး ဒီနေရာကအမှားမခံဘူး နန်းခင်ရဲ့”
“ဟာ မှားတာတွေ မမှားတာတွေ နောက်ထား
ငါတော့မရတော့ဘူး ဟိုနားက ခြုံလေးနောက်
ငါသွားပြီဟေ့”
“ဟဲ့ ဟဲ့ နန်းခင် ဟာဒီကောင်မနဲ့တော့
ဒုက်ခပါပဲ”
“နန်းခင် ကလည်းဘယ်လိုမှကိုပြောမရဘူးအေ”
မိလုံးနှင့်ညိုမြင့် တို့၂ယောက်နန်းခင်အား
ပြောမရသဖြင့်စိတ်တိုကာ ကျန်နေခဲ့ကြသည်။
=============
“ဟူး အခုမှပဲ နေရထိုင်ရ သက်သာသွား…
“ဘုံး”
“ဟင်…နန်းခင်”
“ဟဲ့ နန်းခင် လဲကျသွားပြီ”
နန်းခင် အပေါ့သွားပြီးထွက်အလာ
ရုတ်တရက်လဲကျသွားသဖြင့်
မိလုံးနှင့်ညိုမြင့် တို့သူငယ်ချင်း၂ယောက်
နန်းခင်လဲကျရာနေရာသို့
ပြေးလာကာ
“နန်းခင် နန်းခင် သတိထားလေ သူငယ်ချင်း
ဟဲ့ မိလုံးလုပ်ပါဦး ခေါ်လို့မရတော့ဘူး”
“အသက်ရှူ ရဲ့လား ညိုမြင့် စမ်းကြည့်ပါဦး”
နန်းခင်၏နှာခေါင်းဝအား လက်တေ့၍
စမ်းကြည့်လိုက်လေသည်။
“ဟင်…”
“ဘာ ဘာဖြစ်လို့လည်း ညိုမြင့် ”
“နန်း နန်းခင် အသက်မရှိတော့ဘူး”
“ဖြစ်မှဖြစ်ရလေ နန်းခင်ရယ် အတန်တန်တားနေတဲ့ကြားကဟာ
အခုတော့ အီး ဟီး ဟီး”
“လာ လာကြပါဦး ဒီမှာကျွန်မသူငယ်ချင်း
ဒုက္ခရောက်နေလို့ လာကြပါဦး”
ညိုမြင့်က အသံခပ်ကျယ်ကျယ်ဖြင့်
အော်ဟစ်အကူအညီတောင်းသံကြောင့်
ဈေးရောင်းနေကြသည့် လူများရောက်လာကြသည်။
“ဘာဖြစ်တာလဲ ညီမလေးတို့”
“ကျွန်မသူငယ်ချင်း လဲကျပြီးခေါ်လို့မရတော့ဘူးရှင်
ကျွန်မတို့ သူငယ်ချင်းရဲ့အလောင်းကို
ရွာပြန်သယ်ဖို့ ကူညီပေးကြပါရှင်”
“ဘယ်လိုဖြစ်တာလဲ ကလေးမ”
မိလုံးလည်း လူအများအားရှင်းပြန်ရန်
ဟန်ပြင်လိုက်စဉ် လာပြီးကြည့်ကြသည့်
လူအများထဲမှ အမျိုသမီးတစ်ယောက်က
“ဘာဖြစ်ရမှာလဲ ငါ့နတ်နန်း ငါ့ပိုင်နက်ထဲ
လာပြီးစော်စော်ကားကား လုပ်ရတယ်လို့
မှတ်ပြီလား ဟမ် အခုဘယ့်နှယ့်ရှိစ
သေပြီမလား သေအောင်ကိုကိုင်လိုက်တာ”
“ဟင်…”
“ဟာ”
“နတ်ဝင်စီးနေတာပဲ ချော့ကြပါဟဲ့”
“မသိလို့ မိုက်မဲမိကြတာ
ခွင့်လွှတ်ပါ နောက်မမှားစေရပါဘူး
သမီးတော်ကြီးတို့ တောင်းပန်ပါတယ်”
“ငါ့ရပ် ငါ့ရွာကိုလာပြီး စော်ကားရင်
ဘာဖြစ်မလဲဆိုတာ နင်တို့သိအောင်
ငါလက်တွေ့ ပြလိုက်တာ နောက်တစ်ခါ
ငါ့နေရာ ငါ့နတ်နန်းအနားလာပြီး
စော်ကားရဲစော်ကားကြည့်
တစ်ရွာလုံးမီးလောင်တိုက်သွင်းလိုက်လို့
ရတယ်နော် ဟင်းဟင်း”
“စိတ်လျှော့ပါ သမီးတော်ကြီးတို့
တောင်းပန်ပါတယ် နောက်မဖြစ်စေရပါဘူး”
“ကိုင်း ငါသွားမယ် နောက်နောင်
ဒီလိုအမှားမျိုးထပ်မဖြစ်စေနဲ့”
ထိုသို့ ပြောပြီးသည်နှင့်အမျိုးသမီးမှာ
လဲကျသွားသဖြင့် ဈေးရောင်းသည့်
လူများကသတိရအောင်ပြုစုနေကြလေသည်။
………………………
ထိုစဉ် ရွာလူကြီးများရောက်လာကြပြီး
အဖြစ်အပျက်အလုံးစုံအားသိရှိသွားကာ
“နတ်ကိုမှ သွားစော်ကားမိတာကိုး
ဖြစ်လာမှလည်း ဘာတတ်နိုင်တော့မှာလဲ
ဒီသေဆုံးသွားတဲ့ မိခင်ဖခင် ဆွေမျိုးတွေ
သိပြီးကြပြီလား”
“မသိသေးပါဘူးရှင် ”
“ဒါဆိုရင် ငါ့တူမကြီးတို့က
ကိုယ့်ရွာကိုပြန်ပြီး အကြောင်းပေးကြပါ
ဦးကြီးတို့က ဒီမှာစောင့်ပေးနေပါ့မယ်
ဟုတ်ပြီလား”
“ဟုတ်ကဲ့ ရှင့်”
“မိလုံး နင်ပြန်လိုက် ငါနန်းခင်
အလောင်းကိုစောင့်နေခဲ့မယ်
နင်ဟိုရောက်ရင် ဖြစ်ကြောင်းကုန်စင်
ပြောပြပြီး နန်းခင်မိဘတွေကို
ဒီကိုခေါ်လာခဲ့ပါဟာ ဟီး ဟီး အင့်”
“အေးပါ ငါပြောလိုက်ပါ့မယ် ”
“ဟေ့ သံခဲ မင်းဒီကလေးမနဲ့လိုက်သွားပေးလိုက်
အကူအညီလိုရင် ဘာမဆိုလုပ်ပေးလိုက်”
“ဟုတ်ကဲ့ လာ ညီမ”
မိလုံးလည်း ကိုသံခဲဆိုသူနှင့်ရွာပြန်သွားတော့သည်။
နာရီပိုင်းခန့် အကြာမှာတော့ နန်းခင်၏
မိဘဆွေမျိုးများလိုက်လာကြလေသည်။
“သမီးရေ သမီး ဖြစ်မှဖြစ်ရလေ သမီးရဲ့
အမေအတန်တန် မှာနေတဲ့ကြားက
ဖြစ်မှဖြစ်ရလေ သမီးလေးရယ်”
“စိတ်ကိုလျှော့ပါ မိန်းမရာ
တို့သမီးလေး အဖို့ကိုက ဒီလို
ဖြစ်ဖို့ပါလာတာကိုး”
“ကျွန်မတို့သမီးလေး အဖြစ်ဆိုးလိုက်တာတော်”
“ကဲ ကဲ ငိုတာလည်းငိုပေါ့ ကလေးမလေးရဲ့
အလောင်းကို ပြန်သယ်ဖို့ရှိသေးတယ်မလား
အချိန်ရှိတုန်း လုပ်မှဖြစ်မယ်”
“ဟုတ်ကဲ့ ကျွန်တော်တို့သမီးလေး
အခုလိုဖြစ်ရတာ သူမှားတာလည်း
ပါပါတယ် အခုလိုကူညီပေးကြတာကိုလည်း
ကျေးဇူးတင်ပါတယ်ဗျာ
ကဲ နန်းခင်ကိုပြန်သယ်ကြစို့”
ဤသို့ဖြင့် နန်းခင်၏အလောင်းအား
ရွာသို့ပြန်သယ်သွားကြလေသည်။
………………………
နန်းခင်နေခဲ့သည့် ရွာမှာပင် နန်းခင်အတွက်
ရက်လည်လုပ်ပေးခဲ့ကြလေသည်။
“ဒါဆို နန်းခင်က နတ်သတ်လို့သေခဲ့ရတာပေါ့”
“ဟုတ်ပါတယ် နန်းခင်ရဲ့တဇွတ်ထိုး
လုပ်ရက်ကြောင့် နန်းခင် အခုလို
သေခဲ့ရတာပါ ”
“နန်းခင် မိဘတွေက နန်းခင်အတွက်
ကုသိုလ်တွေလုပ်ပြီးအမျှအတန်းမပေးကြဘူးလား”
“နန်းခင် အဲ့ဒါတွေမသိဘူး နန်းခင်သေပြီးကတည်းက ဒီရွာမှာပဲ
ဝိညာဉ်ကကျန်နေခဲ့တာ နန်းခင်နေခဲ့တဲ့ရွာကို
နန်းခင်သွားလို့မရဘူးဖြစ်နေတယ်
ပြီးတော့ အမေတို့အဖေတို့
နန်းခင်အတွက် ကုသိုလ်တွေလုပ်ပြီး
အမျှအတန်းပေးသလားဆိုတာ
နန်းခင်မသိနိုင်ဘူး ဒီရွာကလူတွေကလည်း
နန်းခင်နဲ့မရင်းနှီးကြလို့ ထင်ပါရဲ့
အတွက်ဘယ်သူမှ ကျွတ်လွတ်အောင်
လုပ်မပေးကြပါဘူး ”
“သြော် ဖြစ်မှဖြစ်ရလေ နန်းခင်ရယ်
နန်းခင်ကျွတ်လွတ်အောင် ရွှေခင်
လုပ်ပေးပါ့မယ်”
“ရွှေခင် တကယ်ပြောတာလားဟင်”
“တကယ်ပြောတာပေါ့ နန်းခင်ရဲ့
နန်းခင်ကိုအခုလို ဘဝကြီးမှာ
ဆက်မနေစေချင်ဘူး
ဒါကြောင့်မနက်ဖြန်ကြရင်
နန်းခင်အတွက် ဒီရွာမှာ ကုသိုလ်ကောင်းမှုတွေ
ရွှေခင်ပြုလုပ်ပေးပါ့မယ် နန်းခင် သာဓုခေါ်မယ်မလား”
“ခေါ်မှာပေါ့ ရွှေခင်ရဲ့ ကျေးဇူးအရမ်းတင်ပါတယ်
အခုလို နန်းခင်ကိုကူညီပေးလို့”
“မလိုပါဘူး နန်းခင်ရယ် ရပါတယ်”
ထိုသို့ ပြောပြီးသည်နှင့် နန်းခင် မှာ
ရုတ်တရက် ပျောက်သွားတော့သည်။
…………………………
နောက်တစ်နေ့ မနက်လင်းသည်နှင့်
ရွှေခင်ရွာထဲသို့ ထွက်လာပြီး နန်းခင်အား
ရည်စူးကာ ဘုရား၌ အလှူအတန်းများ
ပြုပေးလိုက်သည်။
ထို့နောက် ဂေါပကလူကြီးများထံသို့
သွားကာဘဝတစ်ပါးသို့ကူးပြောင်းသွားသော
မနန်းခင်အားရည်စူးပြီး
အလှူငွေများထည့်ဝင်လှူဒါန်းခဲ့လေသည်။
“ဘဝတစ်ပါးသို့ ကူးပြောင်းသွားသော
မနန်းခင် အားရည်စူး၍ လှူဒါန်းရသော
အကျိုးကြောင့် မနန်းခင်အား အမျှ အမျှ အမျှ ပေးဝေလိုက်သည်နှင့်တပြိုင်နက်
ရောက်ရာဘဝဘုံဌာနကနေပြီးတော့
သာဓု သာဓု သာဓု ခေါ်ဆိုနိုင်ပြီး
ကောင်းရာမွန်ရာ ဘုံဘဝသို့ ခံစားစံစား
နိုင်ပါစေ ”
ဂေါပက လူကြီး၏ မိုက်တစ်လုံးဖြင့်
ပေးဝေလိုက်သည့် အသံက ရွာကြီးတစ်ရွာလုံး
ပျံ့နှံ့ရောက်ရှိသွားလေတော့သည်။
“သာဓု သာဓု သာဓု ပါဘုရား”
နန်းခင်၏ သာဓုခေါ်သံကိုတော့
မည်သူမှကြားနိုင်လိမ့်မည် မထင်ပေ။
“နန်းခင် ကောင်းရာမွန်ရာ ဘုံဘဝသို့
စံမြန်းရောက်ရှိပါစေလို့
ရွှေခင် ဆုတောင်းပေးပါတယ်
နန်းခင် ရေ အမျှ အမျှ အမျှ
ယူတော်မူကြပါကုန်လော့
သာဓု သာဓု သာဓု”
ပြီးပါပြီ…
ဇာတ်လမ်းလေးဖတ်ပြီးရင် လက်မလေးနှိပ်ခဲ့နော်
အောင်ဓူဝံ ရေစကြိ