အထုံရေစက်

အထုံရေစက်(စ/ဆုံး)

—————–

`နားကြပ်ကြိုးလည်ပင်းမှာပါတ်မထားနဲ့လေကွာ´

`ဘာလဲကွာလာစားနေပြန်ပီ´

`လည်ပင်းမှာဘာကြိုးမှမတင်ရဘူးကွ´

`ဘယ်သူပြောလဲ´

`ငါ့အဖွားပြောတာငါငယ်ငယ်တုန်းက´

`ဘာ ဟားဟားဟား´

ဝင်းနောင်အားရပါးရရယ်မောနေသည်ကိုကျွန်တော်စိတ်ပျက်လက်ပျက်ကြည့်နေမိပါသည်။

`ကဲပြောပြစမ်းပါဦးကွမင်းရဲ့အိပ်ယာဝင်ပုံပြင် ငါမယုံကြည်ပေမဲ့စိတ်တော့ဝင်စားတယ်´

`ငါငယ်ငယ်တုန်းကကြိုးတွေနဲ့ဆပ်ကပ်ထဲကလိုကစားလို့သေမလိုဖြစ်ခဲ့ဖူးတယ်´

ကျွန်တော်ငယ်ငယ်ကကြိုးအရှည်တစ်ချောင်းနှင့်ကစားရင်းလည်ပင်းနှင့်လက်တွင်ကြိုးများပါတ်မိကာရုန်းလေအသက်ရှုကြပ်လေဖြစ်ကာရုန်းမရတော့ပါ။

ကြောက်လန့်၍အော်ငိုပါတော့သည်။

`အား မေမေရေလုပ်ပါဦး အဖွားရေ အီးဟီးဟီး´

`ဟဲ့ မြေးလေးဘာဖြစ်တာလဲ´

`သားရေမေမေလာပြီ ဘာလဲဘာဖြစ်တာလဲ´

`အမလေးအမေရေသားလေးကိုကယ်ပါဦး´

အမေနှင့်အဖွားအပြေးရောက်လာ၍သာတော်တော့သည်။

အဖွားကကြိုးစကိုကတ်ကြေးဖြင့်ညှပ်ကာပါးစပ်မှလည်းတတွတ်တွတ်ရွတ်ဆိုနေလေသည်။

`ကံကြီးပေလို့ပေါ့မြေးလေးရယ်အထုံရေစက်ပါတဲ့သူဆိုမတွေးရဲစရာ´

ထိုစဉ်ကအဖွားပြောသောအထုံရေစက်ဆိုသည်ကားအဖွား၏သူငယ်ချင်းမခင်လေးအကြောင်းဖြစ်ပါသည်။

မိမိကိုယ်ကိုကြိုးဆွဲချသတ်သေပါကအဖန်ငါးရာငါးကမ္ဘာပါတ်လုံးသတ်သေသည့်အချိန်တွင်သတ်သေသည့်ပုံစံအတိုင်းသေချင်ချင်မသေချင်ချင်ပြန်လည်သေဆုံးရခြင်းဖြစ်ပါသည်။

အေးမူနှင့်ခင်လေးအရမ်းချစ်ကြတဲ့သူငယ်ချင်းနှစ်ယောက်ပါယက်ကန်းရုံတစ်ခုတည်းမှာအလုပ်လုပ်ကြသည်။

အလုပ်သွားအလုပ်ပြန်အတူတွဲ
ထမင်းစားလဲအတူတူ တစ်ယောက်အကြောင်းတစ်ယောက်အတွင်းသိအဆင်းသိမို့ပြောမနာဆိုမနာ

`ခင်လေးနင့်လူညကလာလား´
`လာတာပေါ့´

`အဆင်ပြေလားဟီဟိ´

`ကောင်မနော်ဘာကိုပြောမှန်းမသိဘူး´

`အဟင်းဟင်းဟင်း´

စကားပြောရင်းယက်ကန်းခတ်ရင်းနေ့လည်စာစားချိန်ရောက်၍ထမင်းစာပြီးထုံးစံအတိုင်းယက်ကန်းစင်ပေါ်မေးတင်ရင်းခနမှေးကြသည်။

`အင့် အင်´

ငြီးငြူသံလိုလိုကြားမိသဖြင့်ခေါင်းထောင်ကြည့်တော့တစ်ဖက်ယက်ကန်းစင်မှခင်လေးအသံပင်

`ခင်လေးဘာဖြစ်နေတာလဲခင်လေးခင်လေး´

အံ့သြလွန်း၍အသံထွက်ရမှာပင်မေ့လျော့ခဲ့သည်။

ယက်ကန်းစင်တွင်အသုံးပြုသောလွန်းအိမ်အတွင်းမှယက်ဖေါက်ကအပြင်ထွက်ကာယက်ဖေါက်တွင်ရစ်ပါတ်ထားသောအပ်ချည်ကြိုးမျှင်လေးများကသူ့အလိုလိုကြွတက်ခါခင်လေး၏လည်ပင်းအားရစ်ပါတ်နေကြသည်။

ခင်လေးမှာလည်းအသာလေးရုန်းထွက်နိုင်ရဲ့သားနှင့်တစ်ခုခုမှချုပ်နှောင်ထားသလိုမလှုပ်ရှားနိုင်
ကြောင်ပြီးကြည့်နေသောအေးမူသတိဝင်ကာအော်ဟစ်အကူအညီတောင်းသောအခါတွင်ခင်လေးအသက်မရှိတော့နားလည်သောလူကြီးတစ်ယောက်မှအထုံရေစက်ပြတ်ပါစေဆုတောင်းကာဖြတ်ရသည်။

အပ်ချည်ကြိုးမှသွေးများထွက်လာသည်မှာမယုံန်ိုင်စရာပင်။

ကျွန်တော်စကားများကိုဝင်းနောင်စိတ်ဝင်တစားနားထောင်နေသည့်အတွက်ဆင်ခြင်လိမ့်မည်ထင်ခဲ့သည်ကကျွန်တော်အမှားပင်။

ဝင်းနောင်ကားသူ့စရိုက်အတိုင်းနေမြဲ လည်ပင်းတွင်နားကြပ်ကြိုးရစ်ပါတ်နားထောင်မြဲ။
ကျွန်တော်လည်းအတိုက်အခံမလုပ်ချင်တော့၍မပြောပဲနေလိုက်တော့သည်။

ထိုနေ့ကထုံးစံအတိုင်းsamsungနားကြပ်တစ်ဖက်တိုတစ်ဖက်ရှည်ကိုဂုတ်ပေါ်တင်ကာလည်ပင်းကိုသိုင်းလျှက်ဖုန်းကိုဘောင်းဘီအိပ်ကပ်အတွင်းထည့်ကာဝင်းနောင်စက်ဘီးစီးလာနေသည်။

သူအဖြေတောင်းထားသောမိန်းကလေးထံမှအဖြေရ၍ကျွန်တော့်ကိုလက်ဖက်ရည်တိုက်ရန်ချိန်းထားခြင်းဖြစ်ပါသည်။

ချိန်းထားသောလက်ဖက်ရည်ဆိုင်နားမရောက်ခင်လမ်းချိုးလေးနားအရောက်တစ်ဖက်မှလာသောကားကဖြတ်ပြေးသောခွေးကိုရှောင်ပြီးသူ့စက်ဘီးဘက်ကိုရုတ်တရက်ခေါင်းတည်လိုက်ပြီးဘရိတ်အုပ်လိုက်သည်။

`ကျွှီး – – – -ကျွီ – – ကျွိ -´

` ဟာ – -အား———´

`ဝုန်း´

ကားကဘရိတ်ကိုအချိန်မှီအုပ်လိုက်နိုင်သော်လည်းဝင်းနောင်ကားလန့်၍လမ်းဘေးကွေ့ချလိုက်ရာဘီးချော်၍စက်ဘီးမှောက်သည်
စက်ဘီးကလမ်းဘေးမြောင်းထဲထိုးကျသော်လည်းလူကလမ်းပေါ်ကျန်ခဲ့သည်
ကားနှင့်လည်းမတိုက်မိ မြောင်းထဲသို့လည်းမကျသောဝင်းနောင်သည်လူအများတွေးထင်ထားသလိုပွန်းပဲ့ဒဏ်ရာလောက်သာရရှိပြီးကုန်းရုန်းထလာမည်ဟုကျွန်တော်တွေးကာအသာပင်ကြည့်နေလိုက်သည်။

သူထမလာပါ တုတ်တုတ်မှမလှုပ်သောဝင်းနောင်ထံသို့လူအများအပြေးသွားကြသည်။

`ဝင်းနောင် – – -´

ကျယ်လောင်စွာအော်ဟစ်ပြေးသွားရင်းသူ့အနားရောက်ကာကြည့်မိတော့သူ၏နားကြပ်ကြိုးကစက်ဘီးလက်ကိုင်တွင်ငြိပါသွားပြီးစက်ဘီးမှာမြောင်ထဲသို့မကျပဲတွဲလောင်းဖြစ်နေသည်။
စက်ဘီးအလေးချိန်နှင့်ရစ်ပါတ်လိုက်သလိုဖြစ်ပြီးသူ၏လည်ပင်းကြိုးနှင့်ဆွဲညှစ်သလိုဖြစ်ကာအသက်မဲ့နေရှာပြီ။

မျက်ရည်များစီးကျရင်းတွေ့လိုက်ရသည်ကနားကြပ်ကြိုးစတစ်ခုပြတ်နေပြီးနားကြပ်ကြိုးပြတ်မှစီးကျနေသောသွေးများပင်။

သွေးကြောပြတ်သွားသည်လားအဖွားပြောသောအထုံရေစက်ပေပဲလား ကျွန်တော်မသိတော့။

swe hnin

မူရင်းရေးသားသူအား လေးစားစွာ Credit ပေးပါသည်။